قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №142

2015 جىلعى 23 اقپان, استانا قالاسى مەملەكەتتىك قىزمەتتەر كورسەتۋ مونيتورينگى اقپاراتتىق جۇيەسiنiڭ اقپاراتتىق جۇيەلەرمەن اقپارات الماسۋ قاعيدالارىن بەكىتۋ تۋرالى «اقپاراتتاندىرۋ تۋرالى» 2007 جىلعى 11 قاڭتارداعى №217 قازاقستان رەسپۋبليكاسى زاڭىنىڭ 6-بابىنىڭ 5-3) تارماقشاسىنا سايكەس بۇيىرامىن: 1. قوسا بەرىلىپ وتىرعان مەملەكەتتىك قىزمەتتەر كورسەتۋ مونيتورينگى اقپاراتتىق جۇيەسiنiڭ اقپاراتتىق جۇيەلەرمەن اقپارات الماسۋ قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى (س.س.سارسەنوۆ): 1) وسى بۇيرىقتى قازاقستان رەسپۋبليكاسى ادىلەت مينيسترلىگىنىڭ زاڭنامادا بەلگىلەنگەن تارتىپتە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون كۇنتىزبەلىك كۇن ىشىندە ونىڭ كوشىرمەسىنىڭ مەرزىمدىك باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرىلۋىن; 3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى جاريالاۋ; 4) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردى ورىنداۋ تۋرالى مالىمەتتى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋى قازاقستان رەسپۋبليكاسى ينۆەستيتسيالار جانە دامۋ ۆيتسە-ءمينيسترى ا.ق.جۇماعاليەۆكە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشى ج.قاسىمبەك. قازاقستان رەسپۋبليكاسى ينۆەستيتسيالار جانە دامۋ ءمينيسترى مىندەتىن اتقارۋشىسىنىڭ 2015 جىلعى 23 اقپانداعى №142 بۇيرىعىمەن بەكىتىلگەن مەملەكەتتىك قىزمەتتەر كورسەتۋ مونيتورينگى اقپاراتتىق جۇيەسىنىڭ اقپاراتتىق جۇيەلەرمەن اقپارات الماسۋ قاعيدالارى 1. جالپى ەرەجەلەر 1. وسى مەملەكەتتىك قىزمەتتەر كورسەتۋ مونيتورينگى اقپاراتتىق جۇيەسىنىڭ اقپاراتتىق جۇيەلەرمەن اقپارات الماسۋ قاعيدالارى (بۇدان ءارى – قاعيدالار) «اقپاراتتاندىرۋ تۋرالى» قازاقستان رەسپۋبليكاسىنىڭ 2007 جىلعى 11 قاڭتارداعى زاڭىنىڭ 6-بابى 5-3) تارماقشاسىنا سايكەس ازىرلەندى جانە مەملەكەتتىك قىزمەتتەر كورسەتۋ مونيتورينگىنىڭ اقپاراتتىق جۇيەسى كورسەتىلەتىن قىزمەتتى بەرۋشىلەردىڭ اقپاراتتىق جۇيەلەرىمەن اقپارات الماسۋ ءتارتىبىن ايقىندايدى. 2. وسى قاعيدالارعا سايكەس قازاقستان رەسپۋبليكاسىنىڭ مەملەكەتتىك قۇپيالارىن قۇرايتىن مالىمەتتەر مەملەكەتتىك قىزمەتتەر كورسەتۋ مونيتورينگى اقپاراتتىق جۇيەسىنىڭ اقپاراتتىق جۇيەلەرىمەن الماسۋعا جاتپايدى. 3. اقپارات الماسۋ پروتسەسىندە پايدالانىلاتىن مالىمەتتەردىڭ قاعاز تاسىعىشتاعى قۇجاتتاردىڭ مالىمەتتەرىمەن ءمانى بىردەي بولادى. 4. اقپارات الماسۋ مەملەكەتتىك قىزمەتتەردى كورسەتۋ كەزىندە مەملەكەتتىك ورگاندار مەن لاۋازىمدى تۇلعالارعا زاڭدىق ءمانى بار فاكتىلەردى راستايتىن قۇجاتتاردىڭ از سانىن ۇسىنۋدىڭ قاعاز قۇجات اينالىمىن بولدىرماۋدى (ازايتۋدى) قامتاماسىز ەتەدى. 5. وسى قاعيدالاردا مىناداي تەرميندەر مەن انىقتامالار قولدانىلادى: 1) اقپاراتتىق جۇيە - اقپاراتتى ساقتاۋ, وڭدەۋ, ىزدەۋ, تاراتۋ, بەرۋ جانە ۇسىنۋعا,اپپاراتتىق - باعدارلامالىق كەشەندى قولدانۋعا ارنالعان جۇيە; 2) اقپاراتتىق ءوزارا ءىس-قيمىل – «ەلەكتروندىق ۇكىمەت» اقپاراتتىق جۇيەلەرىنىڭ اراسىندا اقپارات الماسۋدى جانە مالىمەتتەر بەرۋدى ۇيىمداستىرۋ ءۇشىن جەلى ارالىق بايلانىستىرۋ پروتسەسى; 3) كورسەتىلەتىن قىزمەتتى الۋشى – ورتالىق مەملەكەتتىك ورگانداردى, قازاقستان رەسپۋبليكاسىنىڭ شەتەلدەگى مەكەمەلەرىن, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىن, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرىن قوسپاعاندا, جەكە جانە زاڭدى تۇلعالار. 4) كورسەتىلەتىن قىزمەتتى بەرۋشى – قازاقستان رەسپۋبليكاسىنىڭ زاڭناماسىنا سايكەس مەملەكەتتىك قىزمەتتەر كورسەتەتىن ورتالىق مەملەكەتتىك ورگاندار, قازاقستان رەسپۋبليكاسىنىڭ شەتەلدەگى مەكەمەلەرى, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارى, قالاداعى اۋدانداردىڭ, اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرى, سونداي-اق جەكە جانە زاڭدى تۇلعالار; 5) قازاقستان رەسپۋبليكاسىنىڭ ۇلتتىق كۋالاندىرۋشى ورتالىعى(بۇدان ءارى - قر ۇكو) – ەلەكتروندىق تسيفرلىق قولتاڭبانىڭ اشىق كىلتىنىڭ ەلەكتروندىق تسيفرلىق قولتاڭبانىڭ جابىق كىلتىنە سايكەستىگىن كۋالاندىراتىن, سونداي-اق تىركەۋ كۋالىگىنىڭ دۇرىستىعىن راستايتىن زاڭدى تۇلعا; 6) مەملەكەتتىك قىزمەتتەردى كورسەتۋ مونيتورينگىنىڭ اقپاراتتىق جۇيەسى –مەملەكەتتىك قىزمەتتەردى كورسەتۋ پروتسەسىن اۆتوماتتاندىرۋعا جانە مونيتورينگىنە ارنالعان,ونىڭ ىشىندە حالىققا قىزمەت كورسەتۋ ورتالىقتارى ارقىلى كورسەتىلەتىن اقپاراتتىق جۇيە. 7) حابارلاما –اقپاراتتىق جۇيەسىنەن مەملەكەتتىك اقپاراتتىق جۇيەگە اقپاراتتى ۇسىنۋ جانە ودان كەرى ۇسىنۋ نىسانى; 8) حالىققا قىزمەت كورسەتۋ ورتالىعى (بۇدان ءارى - حقو) – قازاقستان رەسپۋبليكاسىنىڭ زاڭناماسىنا سايكەس «ءبىر تەرەزە» قاعيداتى بويىنشا مەملەكەتتىك قىزمەتتەر كورسەتۋگە وتىنىشتەر قابىلداۋ جانە ولاردىڭ ناتيجەلەرىن كورسەتىلەتىن قىزمەتتى الۋشىعا بەرۋ جونىندەگى جۇمىستى ۇيىمداستىرۋدى جۇزەگە اسىراتىن, سونداي-اق اقپاراتتىق جۇيەلەردەن مالىمەتتەر الۋ ارقىلى ەلەكتروندىق نىساندا مەملەكەتتىك قىزمەتتەر كورسەتۋدى قامتاماسسىز ەتەتىن زاڭدى تۇلعا. 9) ەلەكتروندىق تسيفرلىق قولتاڭبا – ەلەكتروندىق تسيفرلىق قولتاڭبا قۇرالدارىمەن قۇرىلعان جانە ەلەكتروندىق قۇجاتتىڭ دۇرىستىعىن, ونىڭ تيىستىلىگى مەن مازمۇنىنىڭ وزگەرمەيتىندىگىن راستايتىن ەلەكتروندىق تسيفرلىق تاڭبالاردىڭ جيىنتىعى. 2. مەملەكەتتىك قىزمەتتەر كورسەتۋ مونيتورينگى اقپاراتتىق جۇيەسىنىڭ اقپاراتتىق جۇيەلەرمەن اقپارات الماسۋ ءتارتىبى 6. مەملەكەتتىك قىزمەتتەر كورسەتۋ مونيتورينگى اقپاراتتىق جۇيەسىنىڭ قىزمەتتى بەرۋشىلەردىڭ اقپاراتتىق جۇيەلەرىمەن ءوزارا اقپارات الماسۋى ءۇش سانات بويىنشا: 1) مەملەكەتتىك قىزمەتتەردى كورسەتۋ مارتەبەسىن الۋ; 2) مەملەكەتتىك دەرەكتەر قورىندا جانە باسقا دا كورسەتىلەتىن قىزمەتتى بەرۋشىلەردىڭ اقپاراتتىق جۇيەلەرىندە تۇراتىن قۇجاتتار بويىنشا مالىمەتتەردى الۋ; 3) كورسەتىلەتىن قىزمەتتى الۋشىلارعا قىزمەت كورسەتۋگە وتىنىمدەر بەرۋ مەن الۋ بويىنشا جۇيەلەردىڭ ىقپالداسۋىن بىلدىرەدى. مەملەكەتتىك قىزمەتتەردى كورسەتۋ مارتەبەسىن الۋ بويىنشا ىقپالداستىرۋ مەملەكەتتىك قىزمەتتەردى كورسەتۋ مونيتورنينگىن ىسكە اسىرۋ ماقساتىندا كورسەتىلەتىن قىزمەتتى بەرۋشىلەرمەن قابىلداناتىن مەملەكەتتىك قىزمەتتەردى كورسەتۋگە وتىنىمدەردى ورىنداۋ جونىندەگى مارتەبەلەردى مەملەكەتتىك قىزمەتتەردى كورسەتۋ مونيتورينگىسى اقپاراتتىق جۇيەسىنە كورسەتىلەتىن قىزمەتتى بەرۋشىلەردىڭ اقپاراتتىق جۇيەلەرىنەن بەرۋدى بولجايدى. كورسەتىلەتىن قىزمەتتى الۋشىدان سۇرالاتىن قۇجاتتار تۋرالى مالىمەتتەردى الۋ بويىنشا ىقپالداسۋ مەملەكەتتىك قىزمەتتەردى كورسەتۋ پروتسەسىندە تالاپ ەتىلەتىن ەلەكتروندىق تۇردەگى قۇجاتتار بويىنشا مالىمەتتەردى بەرۋدى بولجايدىنەمەسە مەملەكەتتىك دەرەكتەر قورىندا جانە باسقا دا كورسەتىلەتىن قىزمەتتى بەرۋشىلەر اقپاراتتىق جۇيەلەرىندە ۇستالاتىنى تۋرالى مالىمەتتەر, قۇجاتتاردىڭ قاعاز كوشىرمەلەرىن بولدىرماۋ ماقساتىندا مەملەكەتتىك قىزمەتتەردى كورسەتۋ ناتيجەلەرى بولىپ تابىلادى. مەملەكەتتىك قىزمەتتەردى كورسەتۋگە وتىنىمدەردى الۋ جانە بەرۋ بويىنشا ىقپالداسۋ كورسەتىلەتىن قىزمەتتى بەرۋشىگە مەملەكەتتىك قىزمەتتەردى كورسەتۋگە وتىنىمدەر بەرۋدى جانە ناتيجەسىن حقو-عا بەرۋدى بولجايدى. 7. مەملەكەتتىك قىزمەتتەر كورسەتۋ مونيتورينگىنىڭ اقپاراتتىق جۇيەسىنىڭ اقپاراتتىق جۇيەلەرمەن اقپارات الماسۋ ءتارتىبى تومەندە بەرىلگەن: 1) كورسەتىلەتىن قىزمەتتى الۋشى حقو-عا نەمەسە ۋاكىلەتتى ورگانعا مەملەكەتتىك كورسەتىلەتىن قىزمەتتى الۋ ماقساتىندا جۇگىنگەن كەزىندە حقو جۇمىسكەرى نەمەسە ۋاكىلەتتى ورگاننىڭ جۇمىسكەرى مەملەكەتتىك قىزمەتتەردى كورسەتۋ ستاندارتتارىنا سايكەس, قاجەتتى قۇجاتتار بويىنشا ولاردان مالىمەتتەردى الۋ ماقساتىندا مەملەكەتتىك قىزمەتتەر كورسەتۋ مونيتورينگىنىڭ اقپاراتتىق جۇيەسىنەن (ۋاكىلەتتى ورگاننىڭ اقپاراتتىق جۇيەسى بولماعان جاعدايدا) سۇراۋ سالۋعا باستاما جاسايدى. 2) حقو جۇمىسكەرى نەمەسە ۋاكىلەتتى ورگاننىڭ جۇمىسكەرى مەملەكەتتىك قىزمەتتەردى كورسەتۋ مونيتورينگى اقپاراتتىق جۇيەسىندە مەملەكەتتىك قىزمەتتەردى كورسەتۋگە ءوتىنىم تولتىرادى (ۋاكىلەتتى ورگاننىڭ اقپاراتتىق جۇيەسى بولماعان جاعدايدا) جانە مەملەكەتتىك قىزمەتتەردى كورسەتۋ ستاندارتتارىنا سايكەس قاجەتتى قۇجاتتاردىڭ ەلەكتروندىق قۇجاتتارىن قوسا بەرەدى; 3) مەملەكەتتىك قىزمەتتى الۋعا جانە كورسەتىلەتىن قىزمەتتى الۋشىعا ۇسىنىلاتىن قۇجاتتار مەن كورسەتىلگەن مالىمەتتەردى ءتيىستى تەكسەرۋگە كەلىسۋدىكورسەتىلەتىن قىزمەتتى الۋشى جازباشا نەمەسە ەلەكتروندى تسيفرلى قولتاڭبانى قولدانۋمەن راستايدى; 4) «سۇراۋ سالۋ» تۇرىندەگى حابارلاما كورسەتىلەتىن قىزمەتتى بەرۋشىنىڭ اقپاراتتىق جۇيەسى ءۇشىن قالىپتاستىرىلادى جانە شىعىس مالىمەتتەردى بەرۋ ءۇشىن ارنالعان. 5) كورسەتىلەتىن قىزمەتتى بەرۋشىنىڭ اقپاراتتىق جۇيەسى سۇراۋ سالۋدى قابىلدايدى جانە وڭدەيدى, مەملەكەتتىك قىزمەتتەردى كورسەتۋ مونيتورينگى اقپاراتتىق جۇيەسىنە سۇراۋ سالۋدى وڭدەۋ ناتيجەسىمەن «جاۋاپ» حابارلاماسىن بەرەدى. 8. سۇراۋ سالۋدى وڭدەۋ مارتەبەسى مەملەكەتتىك قىزمەتتەردى كورسەتۋ مونيتورينگىن ىسكە اسىرۋ ماقساتىندا قىزمەتتى الۋشىنىڭ جۇگىنگەن جاعدايىندا مەملەكەتتىك قىزمەت كورسەتۋ مونيتورينگى اقپاراتتىق جۇيەسىنە جىبەرىلەدى. 9. حابارلامانىڭ جونەلتۋ جانە الۋ فاكتىسى اقپاراتتىق جۇيەلەردە تىركەلەدى. ەلەكتروندىق بايلانىس بولماعان كەزدە نەمەسە حابارلامانى جىبەرۋدە كەدەرگى كەلتىرەتىن باسقا دا سەبەپتەر تۋىنداعاندا جەتكىزىلمەگەن حابارلامالار كەزەكتە جينالادى. اپاتتى جاعدايدى جويعاننان كەيىن, جەتكىزىلمەگەن حابارلامالاردى جىبەرۋ كەزەكتەن جاڭارتىلادى, استانا قالاسىنىڭ ۋاقىتى بويىنشا حابارلامانىڭ ناقتى جەتكىزىلۋ مەرزىمى جانە ۋاقىتىمەن مەملەكەتتىك قىزمەت كورسەتۋ مونيتورينگى اقپاراتتىق جۇيەسىنە جازىلادى. 10. اقپاراتتىق الماسۋ ۇردىسىندە بارلىق ۋاقىتشا پارامەترلەردى تىركەۋ استانا قالاسىنىڭ ۋاقىتى بويىنشا جۇرگىزىلەدى. اقپاراتتىق الماسۋدىڭ ۋاقىتشا سيپاتتامالارى مەملەكەتتىك قىزمەت كورسەتۋدىڭ ءاربىر كەزەڭىنە بولىنگەن ۋاقىتتان اسپاۋى ءتيىس. 11. اقپارات الماسۋ كەزىندە اقپاراتتى قورعاۋ مەملەكەتتىك ورگانداردىڭ بىرىڭعاي قورعالعان كولىكتىك ورتاسىن, اقپاراتتى كەپىلدى جەتكىزۋدىڭ باعدارلامالىق قۇرالىن پايدالانۋ ەسەبىنەن دە, سونداي-اق اقپاراتتىق قاۋىپسىزدىك بويىنشا ۇيىمداستىرۋشىلىق ءىس-شارالارىن وتكىزۋ ەسەبىنەن دە قامتاماسىز ەتىلۋى ءتيىس. 12. قابىلداۋعا/بەرۋگە جاتاتىن مالىمەتتەر مەملەكەتتىك قىزمەتتەردى كورسەتىلەتىن ۋاكىلەتتى تۇلعالاردىڭ ەلەكتروندىق تسيفرلىق قولتاڭبامەن راستالادى. الماسۋ كەزىندە دەرەكتەردىڭ قورعالۋىن ۇيىمداستىرۋ ءۇشىن قر ۇكو بەرگەن تىركەۋ كۋالىكتەرى پايدالانىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 27 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10553 بولىپ ەنگىزىلدى.